Kreu i Aleancës për Ardhmërinë e Kosovës (AAK), Ramush Haradinaj ka reaguar pas lajmit për vdekjen e veteranit të UÇK-së, Naser Shala.

Me anë të një postimi në Facebook, ai tha se Naseri ishte luftëtar i orëve të para, gjithmonë i gatshëm për sakrificë sa herë që e kërkoi atdheu, shkruan Arbresh.info.

Haradinaj u shprehu ngushëllime familjes, bashkëluftëtarëve dhe gjithë atyre që e njohën.

“Na paska lënë veterani i UÇK-së Naser Shala. Naseri ishte luftëtar i orëve të para, gjithmonë i gatshëm për sakrificë sa herë që e kërkoi atdheu. Masakrimi i familjes së tij u bë motiv dhe frymëzim për shumë e shumë luftëtarë të kohës, duke i dhënë luftës sonë çlirimtare edhe më shumë vendosmëri. Shembulli i tij prej luftëtari dhe atdhetari do të jetojë ndër breza. Ngushëllime të sinqerta familjes, bashkëluftëtarëve dhe gjithë atyre që e njohën. I qoftë i lehtë dheu i Kosovës!”, ka shkruar kreu i AAK-së./Arbresh.info/